Farg‘ona davlat texnika universitetida DEBSEUz loyihasi doirasida xalqaro ilmiy-amaliy konferensiya
2025-yil 8-noyabr

7–8-noyabr kunlari Farg‘ona davlat texnika universitetida DEBSEUz loyihasi doirasida quyidagi mavzuda xalqaro ilmiy-amaliy konferensiya bo‘lib o‘tdi:
“Qayta tiklanuvchi energiya va raqamli texnologiyalar davrida milliy energetik mustaqillik: Farg‘ona mintaqasida innovatsiyalar, istiqbollar va ijtimoiy ta’sir.”
Konferensiyani ilmiy ishlar va innovatsiyalar bo‘yicha prorektor Sh.M. Davlyatov rasman ochib berdi.
Konferensiyada Qozog‘iston, Turkiya, Italiya, Ispaniya, Portugaliya, Belarus, Qirg‘iziston Respublikasi va boshqa mamlakatlardan yetakchi olimlar hamda amaliyotchi mutaxassislar ishtirok etdilar.
Tadbir davomida qayta tiklanuvchi energiya manbalari, raqamli energetika tizimlari, energetik xavfsizlik, iqlim o‘zgarishi, resurslardan samarali foydalanish va “yashil iqtisodiyot”ga o‘tish kabi muhim global masalalar muhokama qilindi.
DEBSEUz jamoasi sessiyalarda faol ishtirok etib, innovatsion g‘oyalar bilan o‘rtoqlashdi va xalqaro hamkorlikni kengaytirdi.